Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në moshën 65-vjeçare, pas një sëmundje të rëndë ka ndërruar jetë, luftëtari i radhëve të para të lirisë, Ajvaz Karpuzi, nga fshati Shalë i Drenicës. Gjatë luftës së UÇK-së, fillimisht ka qenë i sistemuar në pikën e Krojmirit, pastaj në Policinë ushtarake të Batalionit të Dytë, “Ruzhdi Salihu”, të Brigadës 121, Ismet Jashari-Kumanova. Pas luftës për një kohë të gjatë ka qenë edhe kryetar i Organizatës së Veteranëve të UÇK-së, dega në Lypjan. Ajvaz Karpuzi ka qenë një luftëtar i përkushtuar i lirisë dhe ka dhënë një kontribut të jashtëzakonshme në organizimin dhe konsolidimin e radhëve të UÇK-së me bashkëluftëtarët e tij tani dëshmorë: Jetë Hasani, Ruzhdi Salihu, Milaim Beha, Azem Kastrati, Gani Kastrati, Shaqir Hoxha e të tjerë. Po ashtu ka bashkëvepruar edhe me drejtuesit e luftës në pjesën jugore të Drenicës si: Sylë Qeriqi, Elez Durmishi, Ali Mejzinolli, Naim Ismajli, Ramiz Qeriqi, Fatmir Shurdha e të tjerë.
Varrimi i trupit të veteranit, Ajvaz Karpuzi bëhet sot në orën 15.00 në varrezat e fshatit Shalë (ish-Seddllar).
Lavdi jetës dhe veprës atdhetare të luftëtarit e veteranit të UÇK-së, Ajvaz Karpuzi!
