Në një telegram ngushëllimi, kryetari i komunës së Frizajt, Agim Aliu ka bërë të ditur se ka ndërruar jetë, veprimtari, publicisti, shkrimtari, Isak Guta, biografi më i përkushtuar i Aleksandër Moisiut dhe njëri ndër krijuesit më të spikatur të letrave shqipe.
Kryetari i Komunës së Ferizajt, Agim Aliu i shpreh ngushëllime të sinqerta familjes Guta, miqve e të njohurve të të ndjerit. Me pikëllim, mora lajmin se u nda nga jeta, bashkëqytetari ynë, autori i veprave të shumta monografike, që patëm rastin ta mbështesim, veprimtari kombëtar, veprimtari kulturor në vend dhe mërgim, Isak Guta. Vepra e kontributi i tij do të mbeten të pashlyeshme në kujtesën e mbarë shoqërisë. Ngushëllime të sinqerta familjes Guta, miqve e të njohurve të të ndjerit. I qoftë i lehtë dheu i Kosovës! thuhet në telegramin e ngushëllimit.
Një telegram ngushëllimi familjes së Isak Gutës i drejtoi stafi i Radio-Kosova e Lirë dhe i TV-Dielli, meqë ai ishte edhe bashkëpunëtor i këtyre mediumeve.