Familjes së dëshmorit të kombit, Imer Alushani i vdiqën tre anëtarë brenda një jave. Sot ka vdekur Ramë Alushani, ndërsa javën e kaluar kanë vdekur nëna e tij, Miradija dhe vëllai Luani. Kjo familje atdhetare ka qenë e përndjekur nga regjimi jugosllav e serb sidomos pas mbarimit të Luftës së Dytë Botërore. Babai, Muharrem Alushani, në vitin 1951 ka qenë i dënuar 20 vjet me burg të rëndë, për shkak të veprimtarisë së tij antijugosllave në radhët e atdhetarëve, Rifat Berisha, Ramadan Gashi, Reshat Plakiqi e shumë të tjerë. Më 25 korrik të vitit 1998, Imer Alushani, ka rënë heroikisht në Grykën e Llapushnikut përballë ushtrisë së motorizuar serbe dhe e ka mbajtur betimin se për së gjalli të tij, këmba e serbit nuk do ta shkel Grykën e lirisë së Kosovës.
Kontrolloni gjithashtu
Gjykata e Posaçme e Apelit sërish ka refuzuar kërkesën e Sali Berishës për lirim nga masa “Arrest në shtëpi”
Gjykata e Posaçme e Apelit e ka rrëzuar kërkesën e ish-kryetarit të PD-së, Sali Berisha …