Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i PDK-së, Kadri Veseli në pasditen e sotme ka marrë pjesë në debat me strukturat e degës së PDK-së në Pejë, i cili u mbajt në qendër të qytetit, në Parkun e paqes “Ibrahim Rugova”.Ai është shoqëruar nga kryetari i degës në këtë komunë Xhavit Haliti, kanë folur para të pranishmëve për vizionin dhe rolin e PDK-së dhe dekadës së re, duke u fokusuar në obligimet që ky subjekt i ka vënë vetës pas Konventës dhe Kuvendit të ri të sapo mbajtur në nivel vendi. Ata janë fokusuar në orientimet dhe angazhimet që PDK duhet të ketë në raport me qytetarin e komunës së Pejës. Veseli ka potencuar lëvdatat për shpirtin sipërmarrës të pejanëve dhe i ka ftuar strukturat e degës që të jenë afër sipërmarrësve të rinj, t’i mbështesin dhe t’iu hapin derën gjeneratave të reja të dëshmuara në çdo sferë të jetës. Veseli më tej ka thumbuar LDK-në, respektivisht procesin zgjedhor nëpër të cilin po kalon LDK. “Kryetar Haliti unë pas fjalës time, ju kërkoi këtu në mes të Pejës të hapni debat me qytetarë, jam i gatshëm, ne e dini pranojmë edhe kritikën dhe ne nuk jemi parti që gjuhemi me karrige”, shtoi ai.
