Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lideri suprem i Iranit, Ajatollah Ali Khamenei, ka falënderuar forcat e armatosura të shtetit të tij për sulmin ndaj Izraelit, që Teherani kreu më herët gjatë këtij muaji, duke thënë se shteti demonstroi fuqinë e tij, pavarësisht se sa caqe u goditën. Radio Evropa e Lirë citon atë të ketë thënë se “pyetja më e rëndësishme nuk është se sa raketa u lëshuan dhe sa prej tyre goditën caqet. Ajo çfarë ka rëndësi është se Irani demonstroi fuqinë e tij gjatë këtij operacioni”. “Në operacionin e fundit, forcat e armatosura arritën të minimizonin kostot dhe të maksimizonin përfitimet”, tha Khamenei, duke u bërë thirrje ushtarakëve që të ndjekin “vazhdimisht inovacionet ushtarake dhe të mësoni për taktikat e armikut” është cituar të ketë theksuar lideri suprem i Iranit, Ajatollah Ali Khamenei.
