Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ndonëse muaj më parë po përballej e vetme me koronavirusin, Kina tani po ndihmon dhjetëra vende anekënd botës për tu përballur dhe luftuar koronavirusin i cili po merr dhjetëra mijëra jetë njerëzish anekënd botës. Dojçe Velle përkujton se derisa para pak ditësh kinezët shaheshin e nënçmoheshin, Kina ia ka shtrirë dorën e ndihmës Italisë dhe shumë vendeve tjera. Kjo ka bërë që në Milano të vendoset një pllakatë që tregon se si Kina ia ka shtrirë dorën e ndihmës Italisë dhe me mbishkrimin: Armik është virusi, jo njerëzit! Duke iu referuar analizave të ekspertëve të ndryshëm të shëndetësisë, Dojçe Velle njofton se Kina ka arritur suksese të konsiderueshme në luftë kundër koronavirusi dhe se ka një përvojë në këtë drejtim dhe se ndihma e ekspertëve të sajë po ju ndihmon vendeve anekënd botës. Pasi u ngadalësua përhapja e virusit në Kinë, ky vend mbështet tani 82 vende me teste, aparatura respirimi me veshje mbrojtëse dhe staf mjekësor. Javën e kaluar Kina dërgoi 300 mjekë dhe tonelata material mjekësor në Itali, njofton Dojçe Velle.
