Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli për Mbrojtjen e të Drejtave dhe Lirive të Njeriut ka kërkuar arrestimin e ish-ministrit Ivan Teodosijeviq, si dhe të gjykimin e tij për urrejtje dhe fyerje në baza etnike. KMDLNJ thotë se ministri i Serbisë në Qeverinë e Kosovës nga Lista Serbe, Teodosijeviq ndonëse merrte rrogë të majme nga buxheti i Kosovës, asnjëherë nuk u ndal së identifikuari kundër Kosovës dhe në glorifikim të Serbisë. Sipas KMDLNj-së ky shkarkim i drejtë, i arsyeshëm dhe i pashmangshëm i ministrit është veprim politik që është marrë në nivel politik. Po ashtu në njoftim thuhet se bazuar në deklaratat publike të ministrit të shkarkuar Teodosijeviq, pret nga Prokuroria Speciale e Kosovës të ndërmerr veprime të mbështetura në ligj, për shkak të nxitjes së urrejtjes në baza etnike dhe përmbajtjes së pavërtetë.
