Komiteti për Politikë dhe Financa në Ferizaj ka mbajtur mbledhjen e fundit të këtij viti

19/12/2023 Institucionet

Kryesuesi i Kuvendit të Komunës së Ferizajt Xhavit Zariqi, bashkë më drejtorë komunal dhe anëtarë të Komitetit për Politikë dhe Financa, ka mbajtur mbledhjen e fundit për këtë vit. Në këtë mbledhje u bë propozim-vendimi për miratimin e planit vjetor të punës për Kuvendin e Komunës së Ferizajt. Drejtori i Shërbimeve Publike dhe Emergjencës Arben Halili, ka bërë propozim-vendimin për aprovimin e Rregullores për organizimin dhe Shfrytëzimin  Parkingjeve Publike dhe private në territorin e Komunës së Ferizajt, pas ndryshimeve të kërkuara. E nga ana tjetër, drejtori i Pronës, Gjeodezisë dhe Kadastrit, Sabri Murseli, ka bërë propozim-vendimin për shpalljen e interesit të përgjithshëm të ngastrës kadastrale 2435-1 dhe 2435-2 të zonës kadastrele në Ferizaj pronë private me qëllim të këmbimit me lokale afariste 0-72217092-2-1-0 Z.K Ferizaj, pronë e komunës së Ferizajt. Drejtori Murseli, po ashtu ka bërë edhe propozim-vendimin për publikimin e listës së pronave komunale për dhënën në shfrytëzim për vitin 2024. Ndërkaq drejtori i Drejtorisë së Zhvillimit Ekonomik dhe Turizmit, Balton Dërguti, ka bërë propozim-vendimin për miratimin Strategjisë së Zhvillimit Ekonomik Lokal në Komunën e Ferizajt për vitin 2024-2034. Drejtorja e financave Sebahate Ajeti-Sadiku ka bërë propozim-vendimin për faljen e obligimeve të pa paguara për taksën në aktivitet (afariste). Mbledhja e fundit e Kuvendit të Komunës do të mbahet me 22 dhjetor duke filluar nga ora 10:00.

Kontrolloni gjithashtu

Komuna e Deçanit nënshkruan marrëveshje bashkëpunimi me kompaninë PMN Sh.P.K

Komuna e Deçanit ka nënshkruar marrëveshje bashkëpunimi me kompaninë PMN Sh.PK. “Nënshkruam kontratën me kompaninë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara