Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kompania e Deminimit si njësi specialistike e Gardës Kombëtare të Forcës së Sigurisë së Kosovës, ka realizuar trajnimin “EOD Niveli 3″, ky trajnim është certifikuar me certifikatë ndërkombëtare nga organizata (Mine Action Training) MAT. Kursi është zhvilluar në pjesën teorike dhe praktike ku temat që janë përfshirë gjatë kursit të EOD niveli 3 kanë qenë: deponimi dhe transportimi i eksploziveve, demolimet, municionet e shërbimit tokësor, armët e lëshuara nga ajri, armët e dirigjuara, procedurat dhe detyrat e EOD-së, operacionet e pastrimit të kurtheve- grackave etj.
Trajnimi ka kaluar nëpër disa faza dhe kursantët i janë nënshtruar testimeve në pjesë teorike dhe praktike Certifikimit është realizuar në kazermën ”Lidhja e Prizrenit” në Prizren dhe të pranishëm kanë qenë KOM i Rexhimentit të Mbrojtjes Civile ,përfaqësues nga NALT, përfaqësues nga organizata MAT, oficer dhe nënoficerë. Komandanti i Kompanisë së Deminimit si dhe Komandantin e RMC-së u shprehën falënderues për bashkëpunimin me NALT dhe MAT. Si dhe porositën kursantët e certifikuar që të vazhdojnë punën e suksesshme pa pësuar asnjë aksident dhe incident gjatë detyrave të realizuara tash e 20 vite.
