Brickos

Komuna e Ferizajt fitoi 150,000€ grant për angazhimin në fushatën “Ta Pastrojmë Kosovën”

10/01/2019 Institucionet

Se qeverisja e Kryetarit të Ferizajt, Agim Aliu është e përkushtuar si asnjëherë më parë në mbrojtjen e mjedisit dhe ngritjen e nivelit të pastërtisë në territorin e Ferizajt, po dëshmohet me shpërblime të shumta në gara të ndryshme për mbrojtjen e mjedisit e së fundi edhe për angazhimin në fushatën “Ta Pastrojmë Kosovën”. Një vazhdimësi e përkushtimit ndaj mjedisit dhe politikat e mirëfillta konsistente mjedisore, po japin rezultatet e pritura. Paraditen e së enjtes, në ceremoni zyrtare, ministri i Mjedisit dhe Planifikimit Hapësinor, Fatmir Matoshi dhe Luan Hasanaj nga “Ta Pastrojmë Kosovën” kanë ndarë certifikatat dhe çekun e grantit të performancës për komunat që kanë shënuar suksese domethënëse gjatë fushatës “Ta Pastrojmë Kosovën” anekënd vendit për kujdesin ndaj mjedisit dhe largimin e mbeturinave. Komuna e Ferizajt është përzgjedhur ndër komunat me vlerësimin më të lartë, më të suksesshme në Kosovë në eliminimin e deponive ilegale të mbeturinave, sasisë së grumbulluar dhe deponuar në deponinë qendrore gjatë kësaj fushate si dhe menaxhimin e tërësishëm, të suksesshëm të kësaj fushate në mbrojtje dhe promovim të një ambienti më të pastër jetësor. Nga kriteret e lartpërmendura, Komunës së Ferizajt i është akorduar granti i performancës në lartësinë e 150,000 eurove, si shpërblim për angazhimin e treguar dhe menaxhimin e suksesshëm të kësaj fushate në komunën tonë. Për të pranuar zyrtarisht këtë çek dhe certifikatë, mori pjesë drejtori i Shërbimeve Publike dhe Emergjencë, Arben Halili, shoqëruar nga drejtori i Urbanizmit dhe Mjedisit, Lulzim Aliu, Kryesuesja e Kuvendit të Komunës, Kristina Gashi Bytyçi, kryeshefi i KRM “Pastërtia”, Dukagjin Hetemi, koordinatori rajonal i fushatës “Ta Pastrojmë Kosovën” në Rajonin e Ferizajt, Kenan Gashi dhe bashkëpunëtorë të tjerë. Komuna e Ferizajt, falënderon publikisht të gjithë akterët e përfshirë në fushatën “Ta Pastrojmë Kosovën” në Ferizaj, anëtarët e task-forcës lokale, institucionet arsimore, bashkësitë fetare, organet e sigurisë, shëndetësore dhe të gjitha organizatat shtetërore kontribuuese në këtë fushatë. Veçanërisht një falënderim të posaçëm, Komuna e Ferizajt, rezervon për organizatat e shoqërisë civile dhe mijëra vullnetarë të angazhuar në këtë fushatë në Ferizaj. Në këtë garë, Ferizaj është komuna e parë që shpërblehet, me rangimin me më së shumti pikë nga komunat tjera. Njëlloj me këtë shumë të grantit, u shpërblyen edhe 3 komuna tjera, kurse 6 komuna tjera do të marrin shuma më të vogla të grantit të performancës nga gjithsej 10 komuna fituese të këtij granti.

Kontrolloni gjithashtu

Kryetari Haliti i nderon me mirënjohje të pensionuarit Agush Hasani dhe Samet Zuka

Kryetari i komunës së Vitisë, Sokol Haliti, së bashku me drejtoreshën e Arsimit në Viti, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara