Komuna e Vitisë dhe Unioni i Turizmit të Kosovës nënshkruajnë Memorandum Bashkëpunimi për zhvillimin e turizmit

12/05/2026 Institucionet

Kryetari i Komunës së Vitisë, z. Sokol Haliti, ka nënshkruar Memorandumin e Bashkëpunimit me Unionin e Turizmit të Kosovës, të përfaqësuar nga kryetari z. Baki Hoti.

Ky memorandum ka për qëllim avancimin e bashkëpunimit ndërmjet dy institucioneve në funksion të zhvillimit dhe promovimit të sektorit të turizmit në Komunën e Vitisë.

Marrëveshja parasheh koordinimin e aktiviteteve të përbashkëta në hartimin e politikave dhe strategjive zhvillimore në fushën e turizmit, promovimin e turizmit të qëndrueshëm, përfshirjen e Vitisë në paketa turistike, pjesëmarrjen në panaire ndërkombëtare të turizmit, si dhe realizimin e projekteve të përbashkëta me rëndësi për zhvillimin lokal.

Po ashtu, memorandumi synon fuqizimin e promovimit të turizmit rural dhe agroturizmit, përgatitjen e materialeve promovuese dhe angazhimin për sigurimin e donatorëve dhe investimeve në projekte turistike për Komunën e Vitisë.

Kryetari Haliti vlerësoi këtë marrëveshje si një hap të rëndësishëm drejt promovimit të potencialeve turistike të Vitisë dhe krijimit të mundësive të reja për zhvillim ekonomik dhe turistik të komunës.

Kontrolloni gjithashtu

U përkujtua dëshmori Kemajl Azizi

Në 27-vjetorin e rënies heroike të dëshmorit të kombit, Kemajl Azizi, Kryetari i Komunës së …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara