Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kosova mbetet i vetmi vend në rajon që nuk ka përfituar ende nga pagesat e para të Planit të Rritjes së Bashkimit Evropian, për shkak të mungesës së një Kuvendi të ri që do të mundësonte ratifikimin e marrëveshjes me BE-në. Nga 880 milionë euro të destinuara për Kosovën, ende nuk është marrë asnjë cent. Një zëdhënës i Komisionit Evropian ka konfirmuar se janë të shqetësuar për bllokadën institucionale që po pengon nisjen e procedurave për përfitimin e fondeve. “Reforma dhe Lehtësimi i Rritjes është një instrument me afat të kufizuar kohor, prandaj është në interesin e Kosovës që ratifikimi të bëhet sa më shpejt,” u shpreh zëdhënësi. Ai sqaroi se fondet mund të lëshohen vetëm pas ratifikimit në Kuvend dhe përmbushjes së të gjitha kushteve tjera nga ana e Kosovës.
