Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ushtruesi i detyrës së drejtorit të Shërbimit Spitalor Klinik Universitar të Kosovës, Valbon Krasniqi ka tërhequr vërejtjen se ndonëse ka rënie të dukshme të rasteve me kovid-19, fushata dhe zgjedhjet mund të ndikojnë në shtimin e rasteve. Duke folur për gjendjen shëndetësore në vend të rënduar nga pandemia, ai ka thënë se kohës së fundit kemi një numër realtivisht më të ulur në krahasim me javët e kaluara dhe kjo po na mundëson që të rikthejmë shërbimet tjera, ashtu siç kemi bërë me shërbimet e Ambulancat Specialistike dhe nga kjo javë ne kemi liruar edhe Klinikat Internistike, njësia COVID-3 që quhej dhe tani jemi në proces të pastrimit, dezinfektimit dhe përgatitjes që edhe ato klinika të rikthejnë shërbimet e tyre dhe të kthejnë shërbimet për pacientët jo Covid. Meqenëse vendet e botës tashmë janë duke u përballuar me shifra të larta të qytetarëve të infektuar me COVID-19, u.d të drejtorit të SHSKUK-së për KosovaPress, thotë se këtë situatë po e përcjellin me shqetësim, pasi që ngjarjet që e presin vendin mund të ndikojnë në rritje të rasteve me koronavirus.
