Krasniqi: Në krahasim me periudhat tjera vjetore ka rënë dukshëm konsumimi i produkteve nga Serbia

Krasniqi: Serbia e ka humbur tregun e Kosovës pasi është shënuar rënie e importeve të mallrave nga ky vend

Një muaj më parë, Qeveria e Kosovë hoqi masën e reciprocitetit me Serbinë, por ministri i Tregtisë dhe Industrisë, Vesel Krasniqi, thotë se ky shtet tashmë ka humbur tregun e Kosovës pasi është shënuar rënie e importeve të mallrave nga Serbia. Duke u ndalur të masat e reja të Qeverisë që rikthehu kufizimin e lëvizjes në disa komuna dhe mbylli gastronominë prej orës 21:00 deri në ora 05:00 në të gjithë vendin, Krasniqi u shpreh se është gjetur intervali kohor që do të dëmtonte më pak bizneset. Ai pohon se pandemia ka prekur tej masa bizneset në vend, duke shtyrë kështu edhe në falimentimin e disa prej syresh, ndonëse nuk janë mbështetur ende as me Pakon Emergjente Fiskale. Krasniqi beson se këtë javë do të miratohet në Kuvend rishikimi i buxhetit dhe në këtë mënyrë do t’iu dilet në ndihmë bizneseve dhe punëtorëve të sektorit privat në Kosovë. Ministri i MTI-së po ashtu ka thënë se nëse rikthehet izolimi, ekonomia e Kosovës paralizohet, pasi sipas tij edhe ashtu bizneset janë në gjendje të vështirë./kp/

Kontrolloni gjithashtu

Deputetët e Partisë Demokratike të Kosovës e lëshojnë sallën e Kuvendit, nuk marrin pjesë në votime

Në Kuvendin e Kosovës. në mungesë të kuorumit, ka dështuar të themelohet komisioni hetimor për kontratat njëburimore

Në mungesë të kuorumit, ka dështuar të themelohet komisioni hetimor për kontratat njëburimore, pasi deputetët …