Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dialogu i brendshëm i Serbisë për Kosovën ka bërë që të mbahen tryeza të rrumbullakëta, nga drejtori i Zyrës për Kosovë, Marko Gjuriq (i cili është gjithashtu kryetar i Grupit Punues për Dialogun e Brendshëm). Ata janë të zënë me diskutime dhe propozime, me qëllim të zgjidhjes së çështjes së Kosovës, për të cilën përfaqësuesit serbë kanë vendosur vetë. Në mesin e ekspertëve, të një tarafi të tillë, Marko Gjuriq ka zgjedhur edhe Vinko Pandureviqin, një kriminel i dënuar i luftës. Pandureviç ishte komandant i Brigadës së Trupave të Drinës të Ushtrisë së Republikës Serbska, në Zvornik, ku mori pjesë në sulmin kundër Srebrenicës, në korrik të vitit 1995 dhe okupimin e enklavës nën mbrojtjen e Kombeve të Bashkuara. Tribunali i Hagës e dënoi me 13 vjet burg për “vrasje, krime kundër njerëzimit dhe shkelje të ligjeve dhe zakoneve të luftës, për akte çnjerëzore, transferimin e dhunshëm të popullsisë, për ndihmën dhe nxitjen e shfarosjes së myslimanëve boshnjakë. Ai u gjet gjithashtu fajtor për ndihmën dhe nxitjen e vrasjes së dhjetë myslimanëve të plagosur, në spitalin Milic. (Tomislav Markoviq, Al-Xhazira).
