Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kuvendit të Shqipërisë, Gramoz Ruçi, nuk u tregua servil dhe zemërgjerë si pararendësi i tij, Ilir Meta, në lidhje me deputetin, Sali Berisha. Pasi i ka mbaruar koha zyrtare e fjalës në Kuvend, Kryekuvendari Ruçi ia ka hequr mikrofonin Berishës, duke i kërkuar prerazi atij të ulet. Deputetët e PD-së, Edi Paloka dhe Eduart Halimi, duke parë që Berisha kishte ende për të thënë, i kërkojnë Ruçit që të shkurtojë kohën e tyre dhe t’ia shtojnë atë Berishës, por sërish kreu i Kuvendit nuk pranoi. “Ulu, mos e tepro. Mos i gënje kolegët e tu se i merr më qafë ashtu“, – ishin fjalët e Ruçit, teksa Berisha u detyrua të largohej nga foltorja pa përfunduar fjalën e tij. Berisha, në kohën kur Ilire Meta ishte kryekuvendar kishte të drejtë të fliste sa të donte. Meta e kishte favorizuar Berishën për shkak të kombinatorikave të mundshme për bashkëqeverisje, por Gramoz Ruçi, për fatin e Shqipërisë nuk është dhe nuk do të jetë si Ilir Meta.
