Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas takimit me kryetarin e Kuvendit të Kosovës Kadri Veseli, kryetari i Kuvendit të Shqipërisë Gramoz Ruçi është pritur në takim nga kryetari i Kosovës Hashim Thaçi. Ruçi është dekoruar nga presidenti Thaçi me medaljen për Liri dhe Pavarësi. Kryetari i Kosovës tha se ky çmim i jepet Ruçit për kontributin e dhënë për liri dhe pavarësi të Kosovës. Kryetari i Kuvendit të Shqipërisë është shprehur i befasuar me këtë dekoratë që i është dhënë nga shteti i Kosovës në vizitën e tij të parë si kryetar Kuvendi, transmeton kosovapress.
“Kjo është dekorata e parë që unë marr nga presidenti i Kosovës, i jam shumë mirënjohës. Kontributi për lirinë e Kosovës nuk i përket asnjë individi, as mua dhe pavarësisht të gjithave… spektrit politik shqiptar, të gjithë deputetëve shqiptarë ka qenë ëndrra e të gjithëve ka qenë që pavarësia e Kosovës të bëhet realitet. Kështu që ky vlerësim që më behët mua sot unë ia atribuoj dhe ia dedikoj bashkatdhetarëve të mi në Shqipëri, pavarësisht se cilit spektër politik i takojnë”, tha Ruçi.
