Kryekuvendari i Kosovës, Kadri Veseli gjatë vizitës se tij në Çeki ka bërë homazhe dhe ka vendosur lule tek varri i ish kryetarit çek, Vaclav Havel. Ai e ka vlerësuar atë si ë ndër mbrojtësit më të zëshëm në botë të Kosovës dhe mbështetës të ndërhyrjes së NATO-s. “Gjatë vizitës në Çeki, shkova për të bërë homazhe e për të vendosur një tufë lule tek varri i ish presidentit Vaclav Havel. Ai ka qenë një ndër mbrojtësit më të zëshëm në botë të Kosovës, duke iu gjetur pranë popullit tonë në momentet më të vështira. Po ashtu, ka qenë një nga mbështetësit kryesorë të ndërhyrjes së NATO-s si dhe i pari lider shtetëror që ka vizituar Kosovën e sapoçliruar. Mbarë bota demokratike, e njeh Havelin, si një disident politik dhe intelektual të jashtëzakonshëm, që ka luajtur një rol kyç në rrëzimin e komunizmit dhe në demokratizimin e bllokut lindor. Kosova kurrë nuk do ti harroj miqtë si Haveli!”, ka shkruar Veseli
Kontrolloni gjithashtu
Dejvid Wisner vlerësoi punën e bërë me reformën në drejtësi, në Shqipëri, por kërkoi hapa edhe më të vështirë
I Ngarkuari me Punë i ambasadës amerikane në Tiranë, Dejvid Wisner vlerësoi punën e bërë …