Kryeministri, Albin Kurti, ka folur për procesin e referendumit të 21 prillit që do të mbahet në katër komunat veriore: Mitrovicë të Veriut, Zevçan, Leposaviç dhe Zubin Potok. Ai tha se Qeveria është në shërbim të Komisionit Zgjedhor për këtë proces dhe ajo është garantuese se rezultati i këtij referendumi do të zbatohet në plotni dhe me shpejtësi. Kurti tha se kryetarët aktualë mund të dalin nga zyra, por jo me banda fashiste të cilat sulmojnë Policinë e Kosovë e KFOR-in. Duke bërë thirrje për dalje në zgjedhje, Kurti u shpreh se data 21 prill është mundësi për t’ia ndërprerë mandatin kryetarëve aktualë dhe se një gjë e tillë mund të ndodh vetëm me proces ligjor e jo me banda të dhunshme sepse, sipas tij, një gjë të tillë nuk do ta lejojë Policia e Kosovës.
Kontrolloni gjithashtu
Gëzim Shala: Ndërhyrjet në sistemin e drejtësisë nga Qeveria Kurti përbëjnë ndërhyrje të papranueshme në drejtësi
Hulumtuesi i lartë në Institutin e Kosovës për Drejtësi, Gëzim Shala, ka deklaruar se Qeveria …