Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në përvjetorin e masakrave të Krushës së Madhe, Krushës së Vogël, Kotlinës, Suharekës, Lybeniqit, Izbicës, Mejës, Pastaselit, Leshanit, flijimit të familjes Berisha në Suharekë, familjes Bogujevci në Podujevë, familjes Mirena, dhe të gjitha krimet tjera, janë pamjet e luftës së fundit në Kosovë që na rikthehen sërish. Sot kujtojmë aktin çnjerëzor të ushtrisë dhe policisë serbe mbi një popullatë të tërë të pafajshme. Fëmijë, pleq, gra e burra, të pambrojtur, u bënë cak i terrorit të regjimit serb. Ndër breza do të kujtohen të gjithë martirët, nga gjaku i të cilëve u vendosen themelet e Kosovës së lirë. Kujtojmë sot betejën e Landovicës dhe tetë dëshmorët e rënë! Në ditën e sotme, më 2001 ra dëshmor Njazi Azemi, luftëtar i orëve të para të UÇK-së dhe UÇPMB-së dhe më këtë rast, e nderojmë Komandant ‘Mjekrrën’, qoftë i ndritur emri dhe vepra e tij. Lavdi e nder i përjetshëm të gjithë martirëve dhe dëshmorëve!”, ka shkruar Haradinaj.
