Kryesia e Kuvendit të Kosovës, në mbledhjen e drejtuar nga kryekuvendari, Kadri Veseli, vendosi që seanca e jashtëzakonshme, sipas kërkesës së 42 deputetëve nënshkrues, të mbahet të mërkurën, më 31 tetor, duke filluar në orën 10.00. Kryesia vlerësoi se kërkesa i plotëson kushtet formale, ndërkaq, temë e debatit do të jetë: angazhimi i kryetarit të Kosovës, Hashim Thaçi lidhur me përfshirjen e “shkëmbimit të territoreve” apo “korrigjimit të kufijve” në dialogun në mes të Kosovës dhe Serbisë. Pas përfundimit të këtij debati, Kuvendi do të vijojë punimet, përkatësisht, votimin e pikave të mbetura nga seancat e nisura më, 13 dhe 14 shtator, si dhe të asaj më 15 tetor, për të vijuar më pas, edhe me vazhdimin e seancës së 18, 19 dhe 25 tetor. Në këtë mbledhje, janë shqyrtuar një varg kërkesash dhe propozime drejtuar Kryesisë së Kuvendit.
Kontrolloni gjithashtu
Opozita është ankuar se nuk po gjejnë përkrahje nga shumica për formimin e Komisioneve Hetimore
Partitë opozitare janë ankuar se nuk po gjejnë përkrahje nga shumica për formimin e Komisioneve …