Kryetari i Komunës së Malishevës, Ragip Begaj dhe Drejtori i drejtorisë për Bujqësi, Pylltari dhe Zhvillim rural, Murat Hoxha kanë pritur drejtoreshën, Bernardina Krasniqi nga organizata joqeveritare, LDF ( Local Development fund), me të cilën janë dakorduar për bashkëpunim në sektorët e bujqësisë, pasi Komuna e Malishevës njihet si rajon bujqësorë. Kurse Bernardina Krasniqi, përfaqësuese e organizatës LDF, njoftoi kryetarin Begaj dhe drejtorin Hoxha me kushtet të cilat i ofron kjo organizatë dhe që kërkon bashkëpunimin me komunën, në rast të implementimit të projekteve me zotim dhe participim të mjeteve në shumën prej 10% apo edhe më shumë. Në këtë takim ishte prezent edhe Murat Hoxha, Drejtor i drejtorisë për Bujqësi, Pylltari dhe Zhvillim rural në Komunën e Malishevës, i cili i njoftoi përfaqësuesit e organizatës LDF, me kërkesat dhe nevojat e fermerëve të Komunës së Malishevës në disa sektor si: Për pikat grumbulluese të qumështit, ndërtimi i disa objekteve për përpunimin e produkteve dhe perimeve, ndërtimi edhe i disa shtallave dhe furnizimi me gjedhe. Pas dakordimit për bashkëpunim, në të ardhmen e afërt priten edhe takime tjera mes kësaj organizate dhe komunës, përkatësisht sektorit të bujqësisë, për mundësitë e implementimit të ndonjë projekti.