Kryetari Haliti nënshkruan një marrëveshje bashkëpunimi me organizatën IKC me të cilën do të përfitojnë fermerët vitias

23/02/2021 Institucionet

Kryetari i komunës së Vitisë, Sokol Haliti, ka nënshkruar një marrëveshje bashkëpunimi me Organizatën IKC, që ka të bëjë me mbështetjen e sektorit të bujqësisë në këtë komunë. Me këtë rast Kryetari i komunës së Vitisë, Sokol Haliti, potencoi se ai ndihet i lumtur që komuna e Vitisë dhe IKC po vazhdojnë bashkëpunimin e mirë edhe për një vit. “Sot ndihem i lumtur pasi që bashkërisht me Ekrem Bajrami nga IKC po nënshkruajmë një dokument me të cilën do të vazhdojmë bashkëpunimin tonë të mirë edhe për një vit. Gjatë vitit të shkuar bashkërisht kemi bërë shumë punë që janë mirëpritur nga fermerët e të gjitha sektorëve dhe këtë gjë e synojmë edhe në këtë vit” u shpreh kryetari Haliti pas nënshkrimit të kësaj marrëveshje. Këtë bashkëpunim e ka mirëpritur edhe Drejtori Ekzekutiv i IKC-së, Ekrem Bajrami. Përndryshe sipas marrëveshjes dy paleshe për një vit do të realizohen shumë aktivitete në fushën e bujqësisë. Në mesin e tyre do të ketë përkrahje për fermerët me serra familjare, spërkatëse, inkubator për zogj por edhe organizimi dhe shënimi i Ditës së Shalqirit në fshatin Gjylekar dhe Ditës së Patates në fshatin Debelldeh. Gjithashtu me këtë marrëveshje parashihen edhe disa aktivitete të tjera në mesin e tyre trajnime për fermerët e sektorëve të ndryshëm dhe promovimin e produkteve bujqësore të prodhuara në komunën e Vitisë. Përndryshe gjatë nënshkrimit të këtij dokumenti të pranishëm ishin dhe disa drejtor të drejtorive dhe zyrtarë komunal.

Kontrolloni gjithashtu

Filloi edhe një projekt i ri rrugor në komunën e Skenderajt

Filloi edhe një projekt i ri rrugor në komunën e Skenderajt, shumë i rëndësishëm për …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara