leoni

Kryetari Haliti priti dhe u dhuroi nga një laptop dy nxënësve më të dalluar të Gjimnazit “Kuvendi i Lezhës”

23/08/2018 Institucionet

Kryetari i komunës Sokol Haliti, ka pritur në takim dy student të ardhshëm vitias Vlera Hasanin dhe Gentrit Hoxha, të cilëve kryetari Haliti u ka dëshiruar suksese dhe i ka inkurajuar për përkushtim në rrugën drejt shtigjeve të reja të dijës, duke shpresuar se një ditë do të jenë e ardhmja e mirë e këtij vendi. Përndryshe, Vlera Hasani është nga fshati Smirë dhe është përfituese e vetme kosovare e bursës prej 110.000 $ për shkollim në Pearson College UWC (United World Colleges) në Kanada, e cila është lëvizje globale edukative që e bën edukimin forcë që bashkon njerëz, kombe dhe kultura për paqe dhe të ardhme të qëndrueshme. UWC ka 17 shkolla në 4 kontinente dhe studentët e shkollave UWC përzgjidhen nga shtetet e tyre, në 155 shtete, nëpërmjet sistemit unik të komiteteve kombëtare. Përzgjedhja bazohet në potencialin dhe aftësinë që të rinjtë demonstrojnë. Vlera Hasani është e vetmja nga Kosova, e cila ka fituar bursë për në këtë kolegj prestigjioz, ku viti kushton 55.000$. Aty ajo do të vazhdojë klasën e 11 dhe 12. Në këtë pritje kryetari Haliti i’u dhuroi atyre nga një laptop dhe premtoi mbështetje institucionale për gjithë nxënësit që tregojnë rezultate. Edhe drejtoresha e Arsimit Fatbardha Emini, ka vlerësuar lartë përkushtimin e këtyre dy nxënësve shumë të suksesshëm të Gjimnazit “Kuvendi i Lezhës” në Viti, e të cilët i ka quajtur edhe krenaria e Vitisë dhe Kosovës.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara