Kryetari Haliti priti në takim Klubin e Basketbollit “Vitia”, ky klub falënderon atë për mbështetjen e dhënë

04/11/2021 Institucionet

Kryetari i komunës së Vitisë, Sokol Haliti, ka pritur në takim përfaqësues të Klubit të Basketbollit “Vitia” nga kjo komunë. Me këtë rast ai është njohur mbi punën dhe angazhimin e këtij klubi dhe garat që ata janë duke i zhvilluar në ligën e dytë. Gjatë këtij takimi kryetari Haliti, tha se komuna e Vitisë, është krenare me të arriturat e këtij klubi, në veçanti edhe me traditën që ka sjellë ky klub në disiplinën sportive të Basketbollit. I pari i komunës gjithashtu tha se komuna e Vitisë, në vazhdimësi është përkujdesur që të përkrah klubet ekzistuese, të reja por edhe talentët vitias të cilët sipas tij janë ambasadorët më të mirë të sportit në këtë komunë dhe me sukseset e të cilëve pa dyshim se krenohen të gjithë qytetarët vitias. Ndërkaq Nehat Rexhepi nga KB “Vitia”, falënderoj kryetarin Haliti, për mbështetjen e dhënë dhe potencoi se falë kësaj mbështetje ata kanë vullnet të vazhdojnë edhe më tutje rrugën e tyre në arritjen e sukseseve edhe më të mëdha në fushën e basketbollit. Gjatë këtij takimi ata kanë bashkëbiseduar edhe për krijimin e kushteve sa më të mira për zhvillimin e disiplinës sportive të basketbollit dhe bashkëpunimin komunal në veçanti edhe me Drejtorinë për Kulturë, Rini dhe Sport.

Kontrolloni gjithashtu

Në QKMF-në në Ferizaj ishin për vizitë Dr. Edita Haxhiu – përfaqësuese nga OBSh, Dr. Fetije Fetaj nga IKShPK dhe një përfaqësuese nga UNICEF-i

Në shërbimin e vaksinimit në Ferizaj ishin për vizitë Dr. Edita Haxhiu – përfaqësuese nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara