Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kosovës, Hashim Thaçi, në një takim me arbëreshët e Italisë, i ka falënderuat ata për kontribut të rëndësishëm që kanë dhënë për Kosovën. “Është kënaqësi e veçantë që ky delegacion i arbëreshëve gjendet në shtetin e Kosovës, në këtë kohë kur po shënojmë 20 vjetorin e lirisë dhe çlirimit të Kosovës, për çka ju keni dhënë një kontribut të rëndësishëm. Iu jemi mirënjohës juve, familjeve tuaja dhe shtetit të Italisë. Shqiptarët në çdo kohë, përtej çdo brezi kudo që janë, ndihen shumë krenarë me ju dhe kanë çfarë të mësojnë nga jeta, puna dhe veprat e juaja, sepse ju jeni rrënjët tona të mirëfillta origjinale, gjeneza dhe fillesa e jonë, arbëreshët janë fija e pashkëputur e qytetërimit shqiptar. “Sot takoj njerëzit që kanë ruajtur historinë e tyre por i kanë kontribuar shtetit ku jetojnë. Për të vazhduar në sferën politike italiane dhe shumë figura tjera. Tri gjëra kanë qenë për ju dhe për ne të shenjta: figura heroit kombëtar Gjergj Kastrioti Skënderbeu i cili u lind tek arbëreshët, flamuri kombëtar shqiptar dhe gjuha shqipe. Iu falënderoj që e keni forcuar lëvizjen kombëtare shqiptare, i keni dhënë shumë lëvizjes kombëtare politike dhe kulturore në krye me kolosin e letërsisë Jeronim De Rada”, ka thënë ai.
