Fillimi / Lajmet / Kryetari i Kosovës, Hashim Thaçi mori pjesë në tubimin kushtuar Ditës së Martirëve në fshatin Korishë të Prizrenit
Thaçi: Qytetarët e Kosovës sot janë edhe një hap më afër drejt realizimit të një të drejte bazike në familjen evropiane

Kryetari i Kosovës, Hashim Thaçi mori pjesë në tubimin kushtuar Ditës së Martirëve në fshatin Korishë të Prizrenit

Në fillim të fjalës së tij para të pranishmëve, në fshatin Korishë kryetari i Kosovës,  Hashim Thaçi e ka vlerësuar iniciativën e Kuvendit për krijimin e rezolutës që dënon gjenocidin serb në Kosovë. Pastaj ka konfirmuar se nuk do të ketë kurrëfarë pajtimi me Serbinë pa u zbardhur fati i të pagjeturve, dhe pa marrë vesh  gjithë bota për krimet serbe në Kosovë. “Më vjen mirë që Kuvendi i Kosovës ka filluar të lëvizë me krijimin e rezolutës që dënon gjenocidin e bërë në Kosovë nga forcat serbe si dhe të kërkojnë drejtësi për krimet e bëra. Nuk dëshirojmë pajtim me Serbin pa u zbardhur fati i të pagjeturve, dhe pa u vu drejtësia në pah. E gjithë bota do e marr vesh se çka ka bërë Serbia”, ka përfunduar ai. Sot mbushen 20 vjet nga “Dita e Martirëve” në Korishë të Prizrenit, ku  ushtria dhe policia serbe popullsinë e pafajshme shqiptare të kësaj ane e vendosi në një kazermë, me qëllim që të goditej nga NATO-ja. Më 13 maj 1999, u krye masakra e tmerrshme  mbi popullatën e kësaj ane dhe fshatrave përreth duke i ndalur civilët e fshatrave Korishë, Budakovë, Bllacë, Reshtan , Mushtisht, dhe Grejkoc, ku u  vranë 77 prej tyre.

 

Kontrolloni gjithashtu

Veliu: Të gjithë policët të kompensohen dhe stimulohen për punën dhe angazhimin e tyre gjatë kësaj periudhe

Veliu: Të gjithë policët të kompensohen dhe stimulohen për punën dhe angazhimin e tyre gjatë kësaj periudhe

Ministri i Punëve të Brendshme dhe Administratës Publike, Agim Veliu ka theksuar përkrahjen e fuqishme ...