Kryetari i Ukrainës, Volodimir Zelensky ka deklaruar se mund të diskutojë me palën ruse se çdo të ndodhë me Krimenë dhe rajonet separatiste. Njohja e tyre nga Ukraina është kërkesa kryesore e Moskës çka mund ta ndërpriste luftën. Zelensky tha se autoritetet në Kiev mund të diskutojnë dhe të kërkojnë një kompromis se si do të jetojnë njerëzit në Krime dhe në republikat e Donbasit, Lluhanskit dhe të Donetskut. Ai shprehu gatishmërinë për këtë temë, çka mund të jetë edhe një pikë kthese në situatën e tensionuar në Ukrainë. Zëdhënësi i Kremlinit, Dmitri Peskov ka deklaruar më herët se Moska do të ndalojë sulmin kundër Ukrainës nëse Kievi përmbush kushtet e Rusisë, siç është njohja e Krimesë si ruse dhe njohja e sovranitetit të republikave të vetëshpallura Donetsk dhe Lluhansk të cilat janë të kontrolluara nga separatistët e mbështetur nga Rusia.
Kontrolloni gjithashtu
Ejup Maqedonci: Serbia me qasjen e saj hegjemoniste dhe agresive karshi Kosovës do të bëjë që tensionet të vazhdojnë
Ministri i Mbrojtjes së Kosovës, Ejup Maqedonci, dje pas bllokimit në kufi me Serbinë të …