Kryetari Idriz Vehapi, nderoi dëshmorët e rënë në fshatin Krushë e Madhe

14/04/2016 Institucionet

Në 17-vjetorin e rënies së dëshmorëve Dalip Behra dhe Bekim Gashi në fshatin Krushë e Madhe, z. Idriz Vehapi, kryetari i Komunës së Rahovecit me bashkëpunëtor, ka bërë homazhe dhe ka vendosur kurora me lule tek pllaka përkujtimore.

Në emër të këshillit organizativ fjalën e mori kryetari i fshatit Krushë e Madhe z. Selami Hoti i cili tha se jemi mbledhur këtu që të përkujtojmë 17-vjetorin e rënies së dëshmorëve Dalip Behra dhe Bekim Gashi, të cilët ranë në luftë për çlirimin e vendit nga pushtuesi serb.

Duke kujtuar kontributin dhe sakrificën e dy dëshmorëve të këtij fshati kryetari Vehapi ka thënë me këtë rast se  jemi sot këtu për të nderuar gjakun e derdhur, të Dalipit, të Bekimit, po ashtu ne sot kujtojmë veprën e  madhe të të gjithë dëshmorëve të rënë për lirinë e Kosovës, nderojmë veprën e madhe edhe të profesor Ukishin Hotit, të cilin e kishim  ideator për shtetin e Kosovës.

Fshati Krushë e Madhe, gjatë luftës ka dhënë 21 dëshmorë, ndërsa në masakrën që forcat serbe e bënë në këtë fshat me 26 mars të vitit 1999, u vranë 241 civil, në mesin e tyre edhe  gra, pleq dhe fëmijë.

Nga një fjalë rasti mbajtën edhe z.Vajdin Berisha, kryetar i OVL e UÇK-së dhe Albin Kurti, deputet në Kuvendin e Republikës së Kosovës.

Kontrolloni gjithashtu

Kryeqyteti miraton lokacionet për projektet strategjike të Lojërave Mesdhetare “Prishtina 2030”

Kuvendi komunal i Prishtinës ka votuar lokacionet për projektet strategjike që do të realizohen në …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara