Kryetari Ilazi dhe ekzekutivi komunal diskutojnë ecurinë e punimeve në projektet e ndryshme komunale

02/05/2017 Institucionet

Ekzekutivi i Komunës së Kaçanikut është mbledhur për të diskutuar ecurinë e punimeve në projekte të ndryshme si dhe rreth punëve administrative komunale.

Takimin e kryesoi Kryetari i Komunës së Kaçanikut Besim Ilazi, ndërsa prezantoi edhe nënkryetari Remzi Elezi. Në takim u bë e ditur se punimet në projektet kapitale janë duke vazhduar sipas planifikimeve të parapara. Janë duke vazhduar punimet në ndërtimin e dy urave për këmbësor mbi lumin Nerodime, janë betonuar shtyllat e bazamentit, ndërsa janë duke vazhduar punimet në asfaltimin e rrugëve në fshatin Koxhaj ku është duke u hedhur shtresa e asfaltit në disa segmente të saj. Po ashtu janë duke vazhduar punimet në asfaltimin e rrugës në lagjen Neziraj si dhe asfaltimi i rrugëve në Kaçanik të Vjetër. Punimet kanë filluar në rrugën “Tefik Raka” në Kaçanik- zgjerimi i trasesë si dhe punimet kanë filluar në asfaltimin e rrugës në lagjen Kodrali. Në takim u diskutuan edhe punët të tjera administrative dhe planet javore të drejtorive përkatëse.

Kontrolloni gjithashtu

1 maj 1990 – Kuvendi i Pajtimit te “Verrat e Llukës”

34 vite më parë, me 1 maj 1990 u mbajt Kuvendi Gjithëkombëtar i Pajtimit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara