Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kosovës, Hashim Thaçi gjatë vizitës në Tiranë, ka paraparë të dekorojë 13 personalitete shqiptare nga fusha e kulturës dhe shkencës, për sikur thuhet rolin e tyre të veçantë në shërbim të lirisë dhe shtet-ndërtimit të Kosovës. Ai sot rreth orës 14:00 do ta vizitojë familjen e shkrimtarit Dritëro Agolli. Sipas njoftimit të Ambasadës së Kosovës në Tiranë, me këtë rast kreu i shtetit të Kosovës, do ta dekorojë shkrimtarin shqiptar për kontributin e tij në letërsinë shqipe, si dhe për angazhimin në shërbim të kauzës së Kosovës. Veç Dritëro Agollit, kryetari i Kosovës do të dekorojë edhe 12 personalitete të tjera, disa pas vdekjes. Me Urdhrin e Pavarësisë do të dekorohen: Dritëro Agolli, Xhevahir Spahiu, Moikom Zeqo, Shaban Sinani, Ekrem Bardha, Vladimir Prela, pas vdekjes, Sabri Godo, pas vdekjes. Ndërsa me Urdhrin Presidencial për Merita do të dekorohen: Naim Zoto Agim Doçi, Gjokë Beci, pas vdekjes. Eduard Mazi, Fatime Sokoli, pas vdekjes, si dhe Edmond Zhulali.
