Hashim Thaçi dhe Edi Rama

Kryetari i Kosovës, Hashim Thaçi premton që Samiti i radhës i Diasporës Shqiptare do të mbahet në Prishtinë

Presidenti i Kosovës, Hashim Thaçi e ka cilësuar një iniciativë të jashtëzakonshme organizimin e Samitit të Diasporës shqiptare, e cila është bashkuar këto ditë në Tiranë. Thaçi ka thënë se Samiti i Diasporës i organizuar nga kryeministri i Shqipërisë, Edi Rama, ka mbledhur mbi 1000 përfaqësues të diasporës nga 40 shtete të ndryshme të botës. “Qysh nga koha e Rilindjes Kombëtare, deri te shpallja e pavarësisë, diaspora shqiptare ka qenë një prej shtyllave kryesore te përpjekjeve të kombit tonë për liri, pavarësi dhe shtetndërtim. Ne të gjithë duhet të punojmë që diaspora shqiptare, me potencialin e madh që ka, tani të shndërrohet në partner të zhvillimit socio-ekonomik, arsimor, profesional, kulturor e sportiv të shteteve tona. Pas Tiranës, samiti i radhës i diasporës shqiptare do të mbahet në Prishtinë”, ka thënë kryetari, Thaçi i cili ka qenë pjesëmarrës i këtij samiti.

Kontrolloni gjithashtu

Deputetët e Partisë Demokratike të Kosovës e lëshojnë sallën e Kuvendit, nuk marrin pjesë në votime

Në Kuvendin e Kosovës. në mungesë të kuorumit, ka dështuar të themelohet komisioni hetimor për kontratat njëburimore

Në mungesë të kuorumit, ka dështuar të themelohet komisioni hetimor për kontratat njëburimore, pasi deputetët …