Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kuvendit të Kosovës, Kadri Veseli po qëndron për vizitë në Filadelfia të Shteteve të Bashkuara të Amerikës ku po merr pjesë në Konferencën e Lidershipit Global, të organizuar nga NDI në Filadelfia. Gjatë pjesëmarrjes në këtë konferencë ku po marrin pjesë lider të vendeve të ndryshme, kryetari i Kuvendit, Kadri Veseli është takuar me kryetarin e Kuvendit të Gjeorgjisë, David Usupashvili. “Kisha kënaqësinë të takoj kryetarin e Parlamentit të Gjeorgjisë, David Usupashvili, në Konferencën e Lidershipit Global, të organizuar nga NDI në Filadelfia. Ndonëse Gjeorgjia nuk e ka njohur ende Shpalljen e pavarësisë së Kosovës, megjithatë, biseduam për mundësinë e bashkëpunimit të dy vendeve tona”, ka shkruar në adresën e tij elektronike, kryetari i Kuvendit, Kadri Veseli. Gjatë qëndrimit në Shtetet e Bashkuara të Amerikës, ai mori pjesë edhe në emërimin e Hillary Cllinonit, kandidate nga Partia Demokratike për presidente të Shteteve të Bashkuara të Amerikës.
