Kryetari Ramosaj priti në takim Ambasadorin e Mbretërisë së Bashkuar në Kosovë, z. Jonathan Hargreaves

10/10/2024 Institucionet

Kryetari i Komunës së Deçanit, z. Bashkim Ramosaj i shoqëruar nga Nënkryetari z. Sami Cacaj dhe Drejtorë të Drejtorive komunale kanë mirëpritur të enjtën në takim Ambasadorin e Mbretërisë së Bashkuar, z. Jonathan Hargreaves, i cili shoqërohej nga udhëheqësja e ekipit që mbulon Kosovën në Ministrinë e Punëve të Jashtme të Britanisë së Madhe, znj. Helen Walker, zyrtarin për zbatim të projekteve dhe politikave në Ambasadë, z. Vladimir Jovanovic dhe zyrtarin për komunikim, z. Ardian Nrecaj.

Me Ambasadorin Hargreaves u bisedua për zhvillimet në Komunën e Deçanit, projektet e realizuara, prioritetet e komunës drejtë Zhvillimit Ekonomik, e po ashtu edhe për problemet dhe sfidat me të cilat ballafaqohet qyteti i Deçanit.

Kryetari Ramosaj me këtë rast shprehu mirënjohjen e tij ndaj mbështetjes së pa rezervë të Mbretërisë së Bashkuar, si një prej aleatëve kryesor të Kosovës dhe një prej shteteve më të fuqishme në Evropë. Ai ka falënderuar Ambasadorin Hargreaves për vizitën dhe gatishmërinë e tij për bashkëpunim.

Kontrolloni gjithashtu

U përkujtua dëshmori Kemajl Azizi

Në 27-vjetorin e rënies heroike të dëshmorit të kombit, Kemajl Azizi, Kryetari i Komunës së …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara