Vladimir Putin

Kryetari rus, Putin, gjeti kohë për të folur edhe për gjoja numrin e mercenarëve nga Kroacia, Kosova e Shqipëria, në Ukrainë

Presidenti i Rusisë, Vladimir Putin, ka thënë se numri i mercenarëve nga Kosova dhe Shqipëria po shtohet në Ukrainë.  Po regjistrojmë gjithnjë e më shumë ardhjen e mercenarëve nga vendet e treta, në veçanti nga Shqipëria dhe Kroacia, militantë nga Kosova dhe madje edhe xhihadistë me përvojë luftarake siriane”, thuhet në deklaratën zyrtare të lëshuar nga Kremlini. Këtë deklaratë presidenti rus e ka bërë gjatë telefonatës që e kishte me kancelarin gjerman, Olaf Sholc, ku sipas komunikatës, ka folur për rrezikun që vjen nga neonazistët në Ukrainë. Rusia edhe më herët e ka pasur pretendimin që mercenarë nga Kosova dhe Shqipëria janë bërë pjesë e luftës në Ukrainë, gjë që ishte hedhur poshtë nga institucionet e sigurisë. Kancelari gjerman i ka bërë thirrje presidentit rus që të ndalojë menjëherë të gjitha veprimet ushtarake dhe të lejojë qasje për ndihma humanitare në zonat ku po zhvillohen luftime.

Kontrolloni gjithashtu

Kryetari i Republikës së Shqipërisë, Bajram Begaj, sot do të qëndrojë në vizitën e tij të parë zyrtare në Kosovë

Kryetari i Republikës së Shqipërisë, Bajram Begaj sot do të qëndrojë për një vizitë zyrtare …