Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ka përfunduar takimi i Komisionit të Posaçëm për Parandalimin e Koronavirusit. Kryetari i Komisionit, Albin Kurti ka ripërsëritur këshillat që janë dhënë nga OBSH-ja për parandalimin e koronavirusit. “I ftojmë të gjithë qytetarët e Republikës që nëse kanë shenja të koronavirusit të qëndrojnë në shtëpitë apo banesat e tyre, të kontaktojnë në numrat që janë bërë të ditur dhe të mos shkojnë menjëherë në QKMF-të por njëherë të qëndrojnë në banesë. Po ashtu, duhet të evitohet shtrëngimi i duarve, përqafimet dhe të pastrohen sa më shumë duart”, theksoi Kurti. Ai tha po ashtu se Kosova është duke i bërë përgatitjet nëse ka raste pozitive me koronavirus. Ndërkaq, ministri i Shëndetësisë, Arben Vitia tha se vendimi për mbylljen e kufijve do të mirret varësisht nga dinamika e zhvillimeve në lidhje me koronavirusin.
