Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke komentuar takimin në Vojvodinë në mes të kryeministrit të Shqipërisë, Edi Rama,të Maqedonisë së Veriut, Zoran Zaev dhe atij të Serbisë, Aleksandar Vuçiq dhe nismën e tyre për idenë e ashtuquajtur “Shengeni i vogël”, lideri i Vetëvendosjes, Albin Kurti ka thënë se nuk i kundërshton iniciativat rajonale, por, ka theksuar ai, Kosova nuk duhet të përjashtohet nga iniciativa të tilla. Ai ka shtuar më tutje se dëshiron që Shqipëria ta shoh Serbinë me sytë e Kosovës. Kosova është i vetmi vend në rajon që nuk ka liberalizim të vizave dhe që ka nevojë për liberalizim e tyre. E përmendi këtë sepse kanë thënë se do të formojnë një mini Shengen ballkanik kur në fakt këto tre vende tashmë e kanë liberalizimin e vizave. Poenta është si ta marrë Kosova, jo këta që tashmë e kanë ta krijojnë mini Shengenin ballkanik. Nuk i kundërshtoj në parim iniciativat rajonale, por Kosova duhet të jetë aty e respektuar dhe aktive. Për të arritur aty, unë edhe do ta ngre këtë çështje në takimin e parë që do ta kem me kryeministrin e Shqipërisë, z. Edi Ramën, ka deklaruar kandidati për kryeministër të Kosovës, Albin Kurti.
