Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetarja e Delegacionit Shqiptar në Asamblenë Parlamentare të Këshillit të Evropës, Valentina Leskaj mori pjesë në mbledhjen e Komitetit Politik të Asamblesë. Ajo në fjalën e saj vuri theksin te progresi që ka bërë Kosova në përmbushjen e rezolutës si edhe problematikat që janë hasur. “Është për të ardhur keq që plot një vit pas miratimit të kësaj Rezolute nuk ka progres real në përmbushjen e paragrafit 13 të saj. Kuvendi i Kosovës e ka kryer detyrën e tij në këtë aspekt, duke caktuar një delegacion, në përputhje me kërkesat e Asamblesë, të përbërë nga përfaqësues të mazhorancës, të opozitës dhe nga minoritetet, si dhe duke respektuar balancën gjinore dhe ka treguar vullnet të qartë për bashkëpunim me Këshillin dhe Institucionet e tij si Komisioni i Venecias. Një vit pas miratimit të rezolutës, delegacionit nga Kosova ende nuk iu kanë përcaktuar vendet sipas standardit të një delegacioni dhe e drejta e fjalës në aulën kryesore. Gjuha e ndarjes, e përjashtimit të tjetrit nuk ndihmon. Kjo nuk është gjuha e Këshillit të Europës”, ka thënë mes tjerash, zonja valentina Leskaj.
