Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesi Special i Qeverisë Gjermane për Ballkanin Perëndimor, Manuel Sarrazin, ka vlerësuar kompromisin e arritur mes Kosovës dhe Serbisë për zhbllokimin e CEFTA-s para samitit të Procesit të Berlinit 2024. Në një paraqitje publike Sarrazin theksoi se suksesi i samitit u mundësua nga “vullneti politik” i liderëve të të dy vendeve, jo nga ndonjë institucion apo ndërmjetës specifik. Sarrazin falënderoi liderët e Kosovës dhe Serbisë për këtë kompromis dhe tha se zhbllokimi i CEFTA-s ishte sinjali që tregoi përparimin në Procesin e Berlinit. Megjithatë, ai nuk ofroi detaje specifike mbi mënyrën e arritjes së marrëveshjes. Në lidhje me kërkesën e kryeministrit të Kosovës, Albin Kurti, për heqjen e sanksioneve të BE-së ndaj Kosovës, Sarrazin shprehu se veprimet e pakoordinuara të qeverisë në veri të vendit kanë sfiduar përpjekjet e partnerëve për të siguruar shumicën në institucionet e BE-së për heqjen e masave ndëshkuese.
