Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisionarja për Zgjerim e Bashkimit Evropian, Marta Kos, i ka cilësuar si “inkurajuese” zhvillimet lidhur me pesë shtetet anëtare të BE-së që ende nuk e njohin pavarësinë e Kosova. Gjatë një mbledhjeje të Komitetit për Punë të Jashtme të Parlamentit Evropian, raportuesi për Kosovën, Riho Terras, kërkoi sqarime mbi angazhimin e Komisionit Evropian ndaj këtyre vendeve. Në përgjigje, Kos u shpreh shkurt se po ndjek zhvillimet dhe se ato janë pozitive, pa dhënë detaje shtesë. Aktualisht, Greqia, Spanja, Rumania, Sllovakia dhe Qiproja mbeten pesë shtetet e BE-së që nuk e njohin pavarësinë e Kosovës, e shpallur në vitin 2008 – një pengesë e rëndësishme në rrugën integruese të vendit. Sa i përket procesit të integrimit, Kosova ka aplikuar për anëtarësim në Bashkimin Evropian në dhjetor të vitit 2022, por aplikimi ende nuk ka kaluar në fazën e parë formale të shqyrtimit nga Këshilli i BE-së. Komisionarja Kos bëri të ditur se, ndonëse nuk e ka vizituar ende Kosovën që nga marrja e mandatit, ajo është në kontakt të vazhdueshëm me autoritetet në Prishtina. Ajo shtoi se një vizitë është shtyrë për shkak të situatës politike, por pritet të realizohet së shpejti. Nga pakoja totale prej 6 miliardë eurosh për periudhën 2024–2027, Kosovës i janë ndarë rreth 882 milionë euro, duke e bërë përfituesen më të madhe për kokë banori në rajon.
