Mbahet konsultimi Publik i Vlerësimit të Gjendjes Ekzistuese të Planit Zhvillimor Komunal të Ferizajt

12/05/2026 Institucionet

Në sallën e Kuvendit Komunal të Ferizajt është mbajtur sot konsultimi publik për prezantimin e Vlerësimit të Gjendjes Ekzistuese të Planit Zhvillimor Komunal (PZhK), në kuadër të procesit të hartimit të planit të ri zhvillimor të komunës.

Gjatë takimit, drejtori i Drejtorisë së Urbanizimit, Arbër Bytyqi, theksoi se organizimi i këtij konsultimi është bërë në përputhje me Ligjin për Planifikim Hapësinor dhe udhëzimin administrativ për pjesëmarrje dhe konsultim publik, me qëllim të garantimit të një procesi transparent dhe gjithëpërfshirës për qytetarët dhe akterët lokalë.

Në prezantimin e tij, drejtori Bytyqi paraqiti analizën dhe vlerësimin e gjendjes ekzistuese të territorit të komunës, duke përfshirë zhvillimin urban, infrastrukturën, shërbimet publike dhe potencialet zhvillimore. Po ashtu, pjesëmarrësit patën mundësinë të japin komente, sugjerime dhe rekomandime lidhur me procesin e hartimit të Planit Zhvillimor Komunal.

Komuna e Ferizajt ritheksoi rëndësinë e përfshirjes së qytetarëve, organizatave të shoqërisë civile, bizneseve dhe ekspertëve në planifikimin afatgjatë dhe zhvillimin e qëndrueshëm të komunës.

Kontrolloni gjithashtu

Kuvendi i Komunës së Rahovecit, mbajti mbledhjën e shtatë të rregullt për vitin 2026

Nën udhëheqjen e Kryesuesit të Kuvendit komunal të Rahovecit, z. Fatmir Iska, u zhvillua mbledhja …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara