Ministri i Bujqësisë, Nenad Rikalo, ka pritur në një takim drejtorin e USAID për Kosovë, James Hope

MBPZHR-ja dhe USAID me projekte të përbashkëta për zhvillimin e bujqësisë

Ministri i Bujqësisë, Pylltarisë dhe Zhvillimit Rural, Nenad Rikalo, ka pritur në një takim drejtorin e USAID për Kosovë, James Hope, me të cilin kanë biseduar për vazhdimin e bashkëpunimit në sektorin e bujqësisë, përmes investimeve në projekte të reja. Ministri Rikalo e njoftoi atë me programin e ministrisë për zhvillim rural. Ai tha se ky program në vazhdimësi ka sjellë rezultate dhe falë investimeve në bujqësi është siguruar rritje ekonomike në vend, vende të reja pune dhe rritje të prodhimit vendor. Ministri, po ashtu ka folur edhe për prioritetet për këtë vit,  ku ka ritheksuar se do t’i japin prioritet kryesor efikasitetit në implementimin e programeve mbështetëse për fermerët dhe agrobizneset. Ai vlerësoi lartë projektet e USAID, që sipas tij po ndikojnë në zhvillimin edhe fuqizimin e sektorit të bujqësisë në vend.

 Nga ana tjetër, drejtori i USAID, James Hope vlerësoi angazhimin e ministrisë në mbështetje të fermerëve dhe çmoi shumë bashkëpunimin që kanë si dy institucione. Hope tha se mbështetja e USAID do të vazhdojë përmes projekteve të ndryshme bujqësore. Në këtë takim, kanë marrë pjesë edhe drejtori i Zyrës për Zhvillim Ekonomik, Brian Mastalus dhe Besa Ilazi, specialiste e menaxhimit të projektit të USAID-it.

Zëvendësministri i MTI-së, Faton Thaçi, takoi atasheun e ambasadës së Francës në Kosovë, Joseph Giustiniani

Zëvendësministri i Ministrisë se Tregtisë dhe Industrisë (MTI), Faton Thaçi, priti në takim Jozef Gjustiniani, atashe për bashkëpunim në ambasadën e Francës në Kosovë, i shoqëruar edhe nga drejtori i Institutit Kosovar për Pronësi Industriale, Veli Hoti. Temë e diskutimit në këtë takim ishte bashkëpunimi i shtetit Francës me shtetin e Kosovës në fushën e pronësisë industriale (intelektuale), konkretisht në treguesit gjeografikë.  Thaçi e njoftoi atasheun Giustiniani  me të arriturat e Agjencisë së Pronësisë Industriale, që vepron në kuadër të MTI-së, në përgatitjen e infrastrukturës ligjore dhe institucionale konform direktivave të BE-së, avancimet në teknologjinë e bazës të të dhënave për markat tregtare, pronësinë intelektuale dhe treguesit gjeografikë.

Ne vazhdim, z. Thaçi theksoi se procedurat për aplikim, publikim, komunikim, regjistrim dhe t, tjera janë tashmë të ndërtuara dhe të zhvilluara nga API, kështu që nuk kërkohet ndonjë ri-rregullim, sepse janë të njëjta apo të ngjashme me regjistrimin e objekteve tjera të pronës industriale: marka tregtare, patenta dhe dizajne industriale.

Diskutimi kishte theks të veçantë për treguesin gjeografikë nga zona e Sharrit, siç është “Djathi i Sharrit”, një produkt me rendësi të veçantë ndër produktet kosovare, që kanë zënë të plasohet me sukses në tregun ndërkombëtar, konkretisht në Republikën e Francës.

Më tutje, atasheu francez Giustiniani e siguroi zëvendësministrin Thaçi se do të ketë mbështetje të pakursyer në drejtime të ndryshme, qoftë teknike, financiare dhe me ekspertë francezë dhe në koordinim në mes MTI-së, Ministrisë se Bujqësisë, Pylltarisë dhe Zhvillimit Rural dhe Shoqatës se Prodhuesve të Djathit te Sharrit, që në muajt në vijim të mbahen takime dhe punëtori të ndryshme me ekspertë nga Franca dhe ekspertë që mbulojnë këto fusha në ministritë relevante. Zëvendësministri Thaçi, po ashtu njoftoi atasheun se Kosova ka mundësi të prezantojë edhe tregues tjerë gjeografikë, siç janë verërat e Kosovës të cilat shquhen për kualitet dhe cilësi të lartë në tregun e brendshëm dhe rajonal. Më pas, z. Thaçi e siguroi atasheun se duke filluar nga muaji mars do të intensifikohen takimet në mes ministrive përkatëse të Kosovës dhe ambasadës franceze në Kosovë me ministritë dhe ekspertët e shtetit mik të Francës.

Kontrolloni gjithashtu

Gëzim Shala: Ndërhyrjet në sistemin e drejtësisë nga Qeveria Kurti përbëjnë ndërhyrje të papranueshme në drejtësi

Hulumtuesi i lartë në Institutin e Kosovës për Drejtësi, Gëzim Shala, ka deklaruar se Qeveria …