Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me datën 5 mars 2020, në orën 12.00, në Pallatin e Sportit të qytetit Bajram Curri do të organizohet ceremonia e dhënies së titullit, “Nderi i Tropojës”, njërës prej familjeve më të shquara të historisë kombëtare, e cila vuri në themelet e lirisë së Kosovës gjakun e 56 anëtarëve dhe të afërmve të saj, familjes Jashari. “Me këtë rast, dua të falenderoj nga zemra Bashkinë e Tropojës dhe Prefekturën e Kukësit që më mbështetën në këtë nismë. Jeni të mirëseardhur në këtë veprimtari atdhetare (ku do të ketë edhe një program të bukur artistik), në nderim të familjes Jashari dhe të Komandantit legjendar të UÇK-së, Adem Jashari, që me sakrificën mitike të tyre, me 5, 6 dhe 7 mars 1998, shënuan kthesën e madhe të shqiptarëve drejt lirisë”, thuhet në njoftim.
