Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot me një organizim në Sallën e Kuqe të Pallatit të Rinisë dhe Sporteve, në Prishtinë, Radio-Kosova e Lirë e ka shënuar 20-vjetorin e fillimit të transmetimit të parë të sajë më 4 janar 1999, me ç’rast është shfaqur një program artistik e kulturor. Në pjesë foljore drejtori i Radios Kosova e Lirë, profesor Ahmet Qeriqi i përshendeti të pranishmit e shumtë që ishin pjesë e kësaj ngjarje si dhe në pika të shkurta i pëmendi sfidat me të cilat ky medium është përballur gjatë këtyre 20 viteve. Ai ndër të tjera tha se Radio Kosova e Lirë ka kryer një mision historik gjatë kohës së luftës, por edhe pas luftës ajo i mbeti besnike vlerave të UÇK0së por edhe vlerave kombëtare përgjithësisht. Pastaj është përuruar libri dokumentar: “20 vjet zëri i lirisë”. Po ashtu me këtë rast është përuruar edhe kënga për Radion Kosova e Lirë orkestruar nga Edmond Zhulali, e kënduar nga këngëtarja e mirënjohur, Mrika Trumshi. Në orën 13.00 është shfaqur pjesa e parë e filmit dokumentar: “Zëri i fitores” prodhim i TV-Diellit. Në këtë përvjetor jubilar kanë marr pjesë, familjarë të dëshmorëve, invalidë e veteranë të luftës, ish gazetarë e operatorë, bashkëpunëtorë të Radios, dëgjues të saj dhe qytetarë liridashës.
