Me rastin e ndarjes nga jeta të profesorit të Gjinekologjisë, Binak Kastrati, është mbajtur një mbledhje komemorative

Me rastin e ndarjes nga jeta të profesorit të Gjinekologjisë, Binak Kastrati, është mbajtur një mbledhje komemorative

Me rastin e ndarjes nga jeta të profesorit të Gjinekologjisë dhe Obstetrikës, Binak Kastrati, është mbajtur një mbledhje komemorative. Rektori i Universitetit të Prishtinës, Marjan Dema, tha se kontributi i profesorit Kastrati është i shumë i çmuar për Fakultetin e Mjekësisë, ku tha se me dijen e tij ka shkolluar gjenerata të tëra. Dema tha se ndarja nga jeta e profesorit Kastrati është humbje jo vetëm për familjen, po edhe për të gjithë ata që e njohën. “Puna e tij do të jetë udhërrëfyes e përhershme për ngritjen tutje të këtij institucioni lider të dijes në hapësirën shqipfolëse kudo. Në emër të Fakultetit të Mjekësisë, foli prodekani për çështje shëndetësore Ibrahim Rudhani, i cili foli për jetën dhe karrierën e tij. Ai tha se ndarja nga jeta e profesorit Binak Kastrati është një humbje shumë e madhe për Fakultetin e Mjekësisë. Për profesorin Binak Kastrati, foli edhe drejtori i Klinikës së gjinekologjisë, Jakup Ismajli, i tha se emri i tij do të mbetet simbol në historinë e Obstetrikës dhe gjinekologjisë së Kosovës. Po ashtu, ai tha se do të mbetet simbol edhe si atdhetar i çështjes kombëtare. Ndërkaq, kryetari i Shoqatës së Gjinekologëve dhe mik i profesorit, Shefqet Lulaj, tha se pjesëmarrja e një numri të madh të shokëve, kolegëve, studentëve në varrimin e profesorit Kastrati tregon për veprën dhe jetën e tij.  Në emër të familjes së profesorit Binak Kastrati, foli e bija e tij Sabrije Kastrati-Lumi, e cila tha se dhimbjen po e kalojnë më lehtë duke qenë se për të kanë vetëm kujtime të mira. Profesori Binak Kastrati ka vdekur me 1 janar të këtij viti.(KP)

Kontrolloni gjithashtu

Deputetët e Partisë Demokratike të Kosovës e lëshojnë sallën e Kuvendit, nuk marrin pjesë në votime

Në Kuvendin e Kosovës. në mungesë të kuorumit, ka dështuar të themelohet komisioni hetimor për kontratat njëburimore

Në mungesë të kuorumit, ka dështuar të themelohet komisioni hetimor për kontratat njëburimore, pasi deputetët …