MIT
kek
mbpzhr 2018
Airport Adem Jashari
Fillimi / Intervista / Mehmet Bislimi: Pavarësisht se cila fjalë përdoret, korrigjim apo përmirësim, kufiri me Serbinë duhet të definohet
Mehmet Bislimi

Mehmet Bislimi: Pavarësisht se cila fjalë përdoret, korrigjim apo përmirësim, kufiri me Serbinë duhet të definohet

Veprimtari i njohur, i burgosuri politik, luftëtari i lirisë dhe publicisti e krijuesi, Mehmet Bislimi,  në një bisedë në studion e TV-Diellit ka folur për angazhimet dhe veprimtarinë e tij atdhetare, por edhe për situatën aktuale në Kosovë.

Pasi ka folur për shkollimin dhe pjesëmarrjen në demonstratat e vitit 1981, pastaj burgun, angazhimet atdhetare, luftën e UÇK-së, në të cilën ka marrë pjesë prej themelimit të saj, veprimtari,  Mehmet Bislimi  ka kritikuar një segment të drejtuesve të luftës, të cilët pas luftës nuk ishin treguar në nivel të detyrës e përgjegjësive, që kishin ngarkuar në jetën politike të vendit. Ai, veçmas ka kritikuar fryrjen e pashembullt të numrit të veteranëve dhe ka sqaruar se pikërisht për shkak të keqpërdorimeve të tilla dhe të natyrës së tillë  edhe e ka refuzuar triskën e veteranit,  edhe pse veten, me të drejtë e konsideron veteran të luftës dhe të Lëvizjes atdhetare.

Duke folur për demarkacionin e Kosovës me shtetet fqinje si: Mali i Zi,  Serbia e Maqedonia, Mehmet Bislimi thotë se kjo çështje duhet të kryhet, duhet të përfundojë  sepse është e domosdoshme, që Kosova ta ketë kufirin e vet definitiv, meqë është shpallur shteti i pavarur dhe është pranuar  nga shumica e shteteve të botës.

Pavarësisht se cila frazeologji përdoret, qoftë korrigjim, përmirësim, ndërrim territoresh e formulime të tjera, kufiri me Serbinë duhet të definohet përfundimisht. Ai mendon se me rastin e demarkacionit me Serbinë do të duhej të respektohej parimi etnik sa i përket popullatës shumicë. Sipas tij tri komunat serbe të veriut: Leposaviqi, Zveçani e Zubin Potoku  do të mund të ndërroheshim me tri komunat e Kosovës lindore, Medvegjë, Bujanoc e Preshevë, pavarësisht se kemi të bëjmë me territore shqiptare nga të dyja anët. Por nuk mund të flitet për këmbim të tërë Veriut të Kosovës me tri komunat e Kosovës Lindore.  Ai ka saktësuar se asnjëherë në të kaluarën Kosova nuk e ka shtrirë  autoritetin e vet në veri, ku aktualisht ka pushtet fiktiv por jo real.

Një pjesë të bisedës në studion e TV-Diellit,  krijuesi, Mehmet Bislimi, i cili aktualisht me tërë familjen jeton dhe punon në Zvicër,  ia ka kushtuar edhe krijimtarisë së tij me të cilën është marrë një kohë të gjatë dhe  merret aktualisht.  Ai, deri tani  ka nxjerrë në dritë 12 vepra publicistike, letrare e artistike, në prozë,  poezi, humor e satirë. Qasja e tij në lëmin e krijimtarisë është realiste, hulumtuese, me një gjuhë të pasur, invencion krijues dhe njohës i thellë i trajtimit  të problemeve dhe temave të caktuara të së kaluarës dhe aktualitetit. Në mesin e veprave shquhet monografia, “Këtu i thonë Drenicë” kushtuar Tahir e Nebih Mehës, të cilët qëndruan trimërisht dhe heroikisht kundër ushtrisë të RSFJ-së,  më 13 maj të vitit 1981.

Në pjesën e fundit të bisedën në studion e TV-Diellit, Mehmet Bislimi është shprehur  se është më se i nevojshëm  unifikimi i qëndrimeve të tërë faktorit politik e institucional të Kosovës  në bisedime  me Serbinë, në mënyrë që arrija e një marrëveshjeje të paqes me këtë shtet, të jetë  e pranueshme nga të dyja palët dhe me këtë akt  të ndërtohet paqja e qëndrueshme dhe perspektiva e një jete më të mirë për njerëzit dhe ardhmërinë e tyre.

( Bisedën me veprimtarin,  Mehmet Bislimi në studion e TV-Diellit e ka realizuar kryeredaktori, Ahmet Qeriqi)

Kontrolloni gjithashtu

Intervistë me Kryeministrin e Republikës së Çamërisë, z. Ali Aliu mbi vrasjen misterioze të Presidentit Festim Lato

Intervistë me Kryeministrin e Republikës së Çamërisë, z. Ali Aliu mbi vrasjen misterioze të Presidentit Festim Lato

FESTIM LATO -NJË JETË PËR KOMB E ATDHE „Presidenti i Republikës Çame“ Festim Lato u gjet ...