Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministria e Punëve të Brendshme në Maqedoni vazhdon t’i privojë nga shtetësia qindra mijëra shqiptarë të fshatrave të Malësisë së Kumanovës, Shkupit, Tetovës dhe Gostivarit. Me mijëra familje shqiptare përballen me problemin e mungesës së shtetësisë si pasojë e pengesave që shkakton Ministria e Punëve të Brendshme të këtij shteti. Rast konkret është Sopoti, fshat në rrethinën e Kumanovës, ku shumica e banorëve të fshatit nuk posedojnë shtetësinë me arsyetimin se janë të ardhur. Këto probleme zanafillojnë qysh nga viti 1994, kur Ministria e Brendshme pati konfiskuar letërnjoftimet e shumë shqiptarëve. Ndonëse BDI është prej vitesh në pushtet, ajo nuk ka bërë asgjë për zgjidhjen e këtij problemi që reflekton jo vetëm në diskriminimin e shqiptarëve, që mbesin pa trajtim shëndetësor dhe shërbime të tjera, por edhe e ulë përqindjen e shqiptarëve në Maqedoni. Organizata jo-qeveritare OBRIE ka premtuar se do të merret me këtë problem, duke nismuar një fushatë vetëdijësuese që do të përcillet edhe me një peticion drejtuar BE-së, për të alarmuar për problemin e mungesës së nënshtetësisë për shqiptarët në Maqedoni.
