Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Jashtëm i Shteteve të Bashkuara të Amerikës, Mike Pompeo do të qëndrojë sot për një vizitë në Berlin. Në qendër të bisedimeve me ministrin gjerman, Heiko Maas si dhe me Kancelaren, Angela Merkel do të bisedojnë lidhur me një sërë krizash dhe konfliktesh në botë. Agjencitë e lajmeve veçojnë temën e konfliktit të Serbisë me Kosovën, si temë bashkëbisedimi me mikpritësit gjermanë, përveç konfliktit në Ukrainën Lindore, në Venezuelë dhe në Siri. Gjermania dhe Franca do të angazhohen në një takim të përbashkët të ri në 1 korrik në Paris për vazhdimin e dialogut mes Kosovës e Serbisë. Ato e kundërshtojnë së bashku idenë e shkëmbimit të territoreve midis Kosovës dhe Serbisë, si ide që do të destabilizonte të gjithë rajonin.
