MINISTRI LEKAJ VIZITOI KATARIN, NËNSHKROI MARRËVESHJEN PËR SHËRBIME AJRORE TË AVIACIONIT CIVIL

16/07/2018 Institucionet

Ministri i Infrastrukturës, Pal Lekaj, nënshkroi në Doha marrëveshjen e Shërbimeve Ajrore të Aviacionit Civil, me homologun e tij nga shteti i Katarit Sh.T. Jassim Bin Saif Al-Sulaiti. Kjo marrëveshje hap rrugën për fluturimet direkte të “Qatar Airways” midis ANP “Adem Jashari” dhe “Aeroportit Ndërkombëtar të Dohas”. “Qatar Airways” tash e disa vite është zgjedhur kompania më e mirë në botë. Në takim ministri Lekaj e njoftoi homologun e tij për zhvillimet infrastrukturore në transportin ajror, rrugor dhe atë hekurudhor si dhe për projektet strategjike në të ardhmen. Ministri Al-Sulaiti shprehu gatishmërinë e shtetit të Katarit për përkrahjen e Republikës së Kosovës në këtë drejtim. Ministri Lekaj gjithashtu kërkoi përkrahje në shkollimin e pilotëve nga Kosova dhe stafit tjetër deficitar të aviacionit në “Kolegjin Aeronautik të Katarit”, i cili ka famë botërore. Kërkesa e Ministrit Lekaj mori mbështetje të plotë nga homologu i tij, i cili u zotua që studentët e përzgjedhur nga Kosova për pilotë dhe profesione tjera në fushën e aviacionit, do të shkollohen në këtë kolegj me bursë të plotë nga Shteti i Katarit. Për këtë qëllim, së shpejti do të nënshkruhet një marrëveshje e veçantë midis ministrave. Ministrat gjithashtu u dakorduan që menaxhmenti i “Qatar Airways” të vijë së shpejti në Prishtinë për të bërë një studim fizibiliteti me qëllim të fillimit të fluturimeve të drejtpërdrejta midis Dohas dhe Prishtinës. Në fund, ministri Lekaj e ftoi homologun e vet nga Katari për një vizitë pune, e cila u pranua me kënaqësi që të realizohet së afërmi.

Kontrolloni gjithashtu

Komuna e Deçanit nënshkruan marrëveshje bashkëpunimi me kompaninë PMN Sh.P.K

Komuna e Deçanit ka nënshkruar marrëveshje bashkëpunimi me kompaninë PMN Sh.PK. “Nënshkruam kontratën me kompaninë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara