Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Mbrojtjes, Ejup Maqedonci, ka zbuluar detaje nga takimi me kryetaren, Vjosa Osmani. Ai theksoi se Ministria e Mbrojtjes ka qenë shpesh cak i lajmeve të rreme, duke përfshirë spekulime mbi dorëheqjen e tij dhe humbjen e armatimit. Sipas Maqedoncit, këto fushata janë nxitura nga faktorë të brendshëm dhe të jashtëm me qëllim destabilizimin e vendit. Një tjetër çështje që ka qarkulluar është sikur thuhet ndikimi i zëvendësministrit të tij, Shemsi Syla, në destabilizimin e Ministrisë. Ministri Maqedonci e mohon këtë, duke konfirmuar se ai është përgjegjës për vendimet e Ministrisë dhe se nuk do të lejojë që të tjerë të marrin rolin e tij në proceset vendimmarrëse. Ai ftoi të gjithë ata që kanë shqetësime të drejtohen direkt te ai.
